الروح القدس
ظهور الرب يسوع للتلاميذ وتوما
كوكو وسوسو فى نهر الأردن | اسكتش عن عيد الغطاس
تحميل كوكو وسوسو فى نهر الأردن | اسكتش عن عيد الغطاس
تحميل اسكتش عيد الغطاس مكتوب
كوكو وسوسو سمكتين حلوين وكانوا عايشين فى نهر الأردن وهما موجودين معانا النهاردة علشان يحكوا لينا ايه اللى حصل معاهم!!! و ايه اللى شافوه !!!
كوكو: ازيكم يا أصحابي عاملين ايه ؟
سوسو: ياه يا كوكو الرحلة من الأردن للقاهرة صعبة قوى لكن احلى ما فيها اننا اتقابلنا مع الأولاد الحلوين دول وثاني حاجه اننا هنحكى على احلى يوم مر علينا
كوكو: ياه يا سوسو فكرتينى بيوم جميل , من زمان قوى ايام ما كنت أنا وسوسو أطفال صغيرين وكنا بنلعب فى النهر
سوسو: وقتها سمعنا صوت عالى عند شاطئ النهر وجرينا بسرعه علشان نشوف ايه اللى بيحصل!!
كوكو: شفنا واحد لابس وبر الإبل وواقف بيكلم الناس بصوت عالى قوى وكان بيقولهم توبوا وليعتمد كل واحد منكم ويعترف بخطاياه لانه قد اقترب ملكوت السموات وعرفنا ان اسمه يوحنا
سوسو: وكان فى ناس كتير كانت بتسمع كلامه وكانوا بيعترفوا بكل حاجه وحشه هما عملوها ويوحنا كان بيعمدهم
كوكو: وفى وسط الناس الكثير شاب فى شاب اول ما وقف أمام يوحنا وقتها يوحنا مكنش عاوز يعمده وقاله : أنا اللى محتاج أنى أتعمد منك أنا مستهلش أنى احل سيور حذائك ، لكن الشاب رد عليه وقاله : اسمح الان.
سوسو: وفعلا يوحنا عمد الشاب ونزله فى الماء وأول ما طلع من الماء
حصلت حاجات غريبه قوى حمامه جاءت ووقفت على رأسه وسمعنا صوت من السماء بيقول:
”هذا هو ابنى الحبيب الذى به سررت“وقتها احنا مكناش فاهمين ايه اللى بيحصل وجرينا على حكيم النهر الكبير ( رورو ) وزوجته الحكيمة ( توتو ) وحكينالهم كل اللى احنا شفناه وسمعناه وهو قالنا
رورو: يا سلام انتم شفتم حاجه جميله خالص انتم عارفين مين الراجل اللى كان بيعمد ده يوحنا ابن زكريا الكاهن و إليصابات قريبه السيدة العذراء ويوحنا ده الطفل اللى كان فى بطن أمه وسجد لما شاف العذراء وقتها اليصابات كرمت العذراء وعرفت انها هتولد الإلهتوتو: وعارفين مين الشاب اللى انتم بتحكوا عليه ده يبقى يسوع المسيح ( الإبن ) إما الصوت اللى أتكلم ده يبقى ( الآب ) اما الحمامة اللى ظهرت فدى تشير إلى ( الروح١ القدس)?
رورو: وبكده يبقى ظهر الثالوث القدوس الآب والإبن والروح القدس . وبعماد السيد المسيح فى
نهر الأردن يكون قد تأسس سر العماد أو المعمودية اللى انتم عارفينها واللى أصحابي اعتمدوا فيها
توتو: بس يا رورو فى فرق كبير بين معمودية يوحنا ومعمودية السيد المسيح اللى احنا نتعمد فيها دلوقتي
رورو: طبعا طبعا يا توتو فى فرق كبير جدا لان معمودية يوحنا كانت بالماء فقط وكانت لبنى إسرائيل فقط اللى هما شعب ربنا فى العهد القديم وكانت ترمز للتوبة والأيمان بالسيد المسيح اللى هيجى بعد كده وكانت وقتيه بمعنى ان اللى اعتمد منها لازم يتعمد مرة تانى من معمودية السيد المسيح
توتو: أما معمودية السيد المسيح بالماء والروح القدس وللناس كلها وكمان لغفران الخطايا ودى معمودية دائمة يعنى بتكون مره واحدة بس و متتكررش أبداً.
كوكو: بعد ما سمعت شرح الحكيم ( رورو ) و زوجته الحكيمة ( توتو ) كان عندي اسئله كتير قوى ومن ضمن الاسئلة دى : هل السيد المسيح كان محتاج للمعمودية ؟ و كان رد الحكيم عليا
رورو: ده سؤال حلو خالص يا كوكو وإجابته : السيد المسيح يا كوكو مش محتاج للمعمودية لغفران الخطايا لانه القدوس البار لكن علشان يتمم الناموس الطقسى القديم وكمان علشان يكون مثال عملي لينا ونعتمد مثله وكمان علمنا درس مهم السيد المسيح كان واقف فى صفوف الناس اللى هيتعمدوا لحد لما جاء دورة وده يعلمنا التواضع وإنكار الذات
سوسو: أنا كمان كان عندي سؤال : كنت حسه ان الجو برد وكنا فى فصل الشتاء وكانت المياه ساقعة قوى وقلت حرام يوحنا ينزل بابا يسوع فى النهر وهدمه تتبل و يعيا , ليه يا يوحنا ما رشتش بابا يسوع بالمياه ويبقى كده أتعمد … وقتها ردت الحكيمة ( توتو ) عليا وقالتلى :
توتو: أنا مقدرة مشاعرك يا سوسو لكن كان لازم العماد يكون بالتغطيس مش بالرش علشان لو بالرش مكنش يوحنا هيقف على النهر ولا ينزل
الناس ثلاث مرات ودى بتشير ان احنا بنتغسل من خطايانا. واحنا اتعلمنا طريقه العماد من السيد المسيح وجعلناه عيد عظيم عندنا وسمناه عيد الغطاس أو الثيؤفانيا.
كوكو: يعنى ايه الثيؤفانيا!!.
رورو: الثيؤفانيا يعنى عيد الظهور الالهى.
سوسو: طيب ايه حكاية القلقاس اللى بتلقيها على طول فى عيد الغطاس!!؟رورو: من العادات القبطية القديمة اكل القلقاس لانه نبات يزرع بدفنه فى الأرض ودى إشارة الى المعمودية وأننا قد دفنا مع المسيح ونلنا الحياه معاه , و كمان بنحط الشمع داخل البرتقال تشير إلى نور الروح القدس
كوكو: طيب و بالنسبة للقصب اللى بناكله فى عيد الغطاس؟
رورو: واكل القصب بطعمه الجميل إشارة إلى بركات المعمودية اللى نلناها.
كوكو: اه احنا كده عرفنا كل حاجة و كل الأسئلة اللى عايزين نعرفها .. يلا بقى يا سوسو علشاننرجع نلعب تانى.
سوسو: بس قبل ما نمشى عايزين نشكر عم رورو الحكيم اللى عرفنا حاجات حلوة.. يلا بقى يا كوكو نروح نلعب ..
كوكو و سوسو: كل سنة و انتم طيبين يا أصحابى.
اسكتش عيد الغطاس
تحميل اسكتش عيد الغطاس
كوكو وسوسو سمكتين حلوين وكانوا عايشين فى نهر الأردن وهما موجودين معانا النهاردة علشان يحكوا لينا ايه اللى حصل معاهم!!! و ايه اللى شافوه !!!
كوكو: ازيكم يا أصحابي عاملين ايه ؟
سوسو: ياه يا كوكو الرحلة من الأردن للقاهرة صعبة قوى لكن احلى ما فيها اننا اتقابلنا مع الأولاد الحلوين دول وثاني حاجه اننا هنحكى على احلى يوم مر علينا
كوكو: ياه يا سوسو فكرتينى بيوم جميل , من زمان قوى ايام ما كنت أنا وسوسو أطفال صغيرين وكنا بنلعب فى النهر
سوسو: وقتها سمعنا صوت عالى عند شاطئ النهر وجرينا بسرعه علشان نشوف ايه اللى بيحصل!!
كوكو: شفنا واحد لابس وبر الإبل وواقف بيكلم الناس بصوت عالى قوى وكان بيقولهم توبوا وليعتمد كل واحد منكم ويعترف بخطاياه لانه قد اقترب ملكوت السموات وعرفنا ان اسمه يوحنا
سوسو: وكان فى ناس كتير كانت بتسمع كلامه وكانوا بيعترفوا بكل حاجه وحشه هما عملوها ويوحنا كان بيعمدهم
كوكو: وفى وسط الناس الكثير شاب فى شاب اول ما وقف أمام يوحنا وقتها يوحنا مكنش عاوز يعمده وقاله : أنا اللى محتاج أنى أتعمد منك أنا مستهلش أنى احل سيور حذائك ، لكن الشاب رد عليه وقاله : اسمح الان.
سوسو: وفعلا يوحنا عمد الشاب ونزله فى الماء وأول ما طلع من الماء
حصلت حاجات غريبه قوى حمامه جاءت ووقفت على رأسه وسمعنا صوت من السماء بيقول:
”هذا هو ابنى الحبيب الذى به سررت“وقتها احنا مكناش فاهمين ايه اللى بيحصل وجرينا على حكيم النهر الكبير ( رورو ) وزوجته الحكيمة ( توتو ) وحكينالهم كل اللى احنا شفناه وسمعناه وهو قالنا
رورو: يا سلام انتم شفتم حاجه جميله خالص انتم عارفين مين الراجل اللى كان بيعمد ده يوحنا ابن زكريا الكاهن و إليصابات قريبه السيدة العذراء ويوحنا ده الطفل اللى كان فى بطن أمه وسجد لما شاف العذراء وقتها اليصابات كرمت العذراء وعرفت انها هتولد الإلهتوتو: وعارفين مين الشاب اللى انتم بتحكوا عليه ده يبقى يسوع المسيح ( الإبن ) إما الصوت اللى أتكلم ده يبقى ( الآب ) اما الحمامة اللى ظهرت فدى تشير إلى ( الروح١ القدس)?
رورو: وبكده يبقى ظهر الثالوث القدوس الآب والإبن والروح القدس . وبعماد السيد المسيح فى
نهر الأردن يكون قد تأسس سر العماد أو المعمودية اللى انتم عارفينها واللى أصحابي اعتمدوا فيها
توتو: بس يا رورو فى فرق كبير بين معمودية يوحنا ومعمودية السيد المسيح اللى احنا نتعمد فيها دلوقتي
رورو: طبعا طبعا يا توتو فى فرق كبير جدا لان معمودية يوحنا كانت بالماء فقط وكانت لبنى إسرائيل فقط اللى هما شعب ربنا فى العهد القديم وكانت ترمز للتوبة والأيمان بالسيد المسيح اللى هيجى بعد كده وكانت وقتيه بمعنى ان اللى اعتمد منها لازم يتعمد مرة تانى من معمودية السيد المسيح
توتو: أما معمودية السيد المسيح بالماء والروح القدس وللناس كلها وكمان لغفران الخطايا ودى معمودية دائمة يعنى بتكون مره واحدة بس و متتكررش أبداً.
كوكو: بعد ما سمعت شرح الحكيم ( رورو ) و زوجته الحكيمة ( توتو ) كان عندي اسئله كتير قوى ومن ضمن الاسئلة دى : هل السيد المسيح كان محتاج للمعمودية ؟ و كان رد الحكيم عليا
رورو: ده سؤال حلو خالص يا كوكو وإجابته : السيد المسيح يا كوكو مش محتاج للمعمودية لغفران الخطايا لانه القدوس البار لكن علشان يتمم الناموس الطقسى القديم وكمان علشان يكون مثال عملي لينا ونعتمد مثله وكمان علمنا درس مهم السيد المسيح كان واقف فى صفوف الناس اللى هيتعمدوا لحد لما جاء دورة وده يعلمنا التواضع وإنكار الذات
سوسو: أنا كمان كان عندي سؤال : كنت حسه ان الجو برد وكنا فى فصل الشتاء وكانت المياه ساقعة قوى وقلت حرام يوحنا ينزل بابا يسوع فى النهر وهدمه تتبل و يعيا , ليه يا يوحنا ما رشتش بابا يسوع بالمياه ويبقى كده أتعمد … وقتها ردت الحكيمة ( توتو ) عليا وقالتلى :
توتو: أنا مقدرة مشاعرك يا سوسو لكن كان لازم العماد يكون بالتغطيس مش بالرش علشان لو بالرش مكنش يوحنا هيقف على النهر ولا ينزل
الناس ثلاث مرات ودى بتشير ان احنا بنتغسل من خطايانا. واحنا اتعلمنا طريقه العماد من السيد المسيح وجعلناه عيد عظيم عندنا وسمناه عيد الغطاس أو الثيؤفانيا.
كوكو: يعنى ايه الثيؤفانيا!!.
رورو: الثيؤفانيا يعنى عيد الظهور الالهى.
سوسو: طيب ايه حكاية القلقاس اللى بتلقيها على طول فى عيد الغطاس!!؟رورو: من العادات القبطية القديمة اكل القلقاس لانه نبات يزرع بدفنه فى الأرض ودى إشارة الى المعمودية وأننا قد دفنا مع المسيح ونلنا الحياه معاه , و كمان بنحط الشمع داخل البرتقال تشير إلى نور الروح القدس
كوكو: طيب و بالنسبة للقصب اللى بناكله فى عيد الغطاس؟
رورو: واكل القصب بطعمه الجميل إشارة إلى بركات المعمودية اللى نلناها.
كوكو: اه احنا كده عرفنا كل حاجة و كل الأسئلة اللى عايزين نعرفها .. يلا بقى يا سوسو علشاننرجع نلعب تانى.
سوسو: بس قبل ما نمشى عايزين نشكر عم رورو الحكيم اللى عرفنا حاجات حلوة.. يلا بقى يا كوكو نروح نلعب ..
كوكو و سوسو: كل سنة و انتم طيبين يا أصحابى.
مدونة الخدمة القبطية 
يجب عليك تسجيل الدخول لكتابة تعليق.